СБ, 20 апреля 19:08
16.1°C Джалал-Абад
USD: 89.01 EUR: 94.76 KZT: 0.19 RUB: 0.94

Кыргыз Республикасындагы мектепке чейинки билим берүүнүн заманбап тенденциялары.

Мектепке чейинки тарбия – билимдин гана эмес, экономиканын да негизи.Үчүнчү миң жылдыктын мектепке чейинки билим берүү системасы: дүйнөлүк практикага сереп салуу.21-кылымда адамга керектүү көндүмдөр: 4K концепциясы.
Мектепке чейинки билим берүүдөгү педагог.Балага борборлоштурулган мамиле.

Экономист жана Нобель сыйлыгынын лауреаты Джеймс Хекман 2006-жылы азыр “Хекман ийри сызыгы” деп аталган графикти жарыялаган.
Бул график Хекмандын төмөнкү негизги концептине иллюстрация катары берилет:
эрте балалыкка жасалган инвестиция кеч курактагы кийинки бардык программаларга караганда кыйла таасирдүү.

Учурда көптөгөн өлкөлөрдүн өкмөтү эрте курактагы билим берүүнүн маанилүүлүгүн түшүнүп, аны 3 жана андан жогорку жаштагы балдар үчүн дээрлик универсалдуу кылып жатышат.
Кыргызстан мектепке чейинки билим берүү программаларына катышуу аркылуу сабаттуулук жана эсептөө көндүмдөрүн өздөштүргөн балдардын арасында пайызы эң төмөн болгон өлкөлөрдүн рейтингинде 6-орунда турат.
Салыштыруу иретинде:
Казакстанда мектепке чейинки билим берүү менен камтуу 78,3% , анын ичинде айыл жеринде — 87%, шаарда — 72,5% түздү.
Өзбекстанда мамлекеттик-жеке өнөктөштүк аркылуу мектепке чейинки билим берүү системасы ыкчам өнүгүп жатат.
Орусияда бала бакчаларга жана яслилерге барган балдардын саны 3 жашка чейинкилер — 96%, 3 жаштан 7 жашка чейинкилер — 99% түзөт.

Мамлекеттердин балдарды мектепке чейинки даярдоого кызыгуусунун жүйөлүү себептери бар, анын ичинде экономикалык да: мектепке чейинки билим берүүгө инвестиция салуу менен өлкөлөр адамдык капиталга гана эмес, өлкөнүн келечектеги экономикалык өсүшүнө да инвестиция салышат.